Killer attitude shayari in hindi

Baharo Ke Wo Ab

Baharo ke wo ab mausam nahi aane wale,

Hum unke pass, wo hamare pass nahi aane wale,

Nazar ki chaah hai ki har raah pe unhe talashe,

Dil ko khabar hai ki wo nahi aane wale,

Ziddi hai dono hi is darze ke ‘Abhishek’,

Jante hai kahi se bulawe nahi aane wale.

---

Hone Ko Ye Ho Sakta Hai

Hone ko ye ho sakta hai,

 Hone ko wo ho sakta hai,

Honi kaha kisi se tali hai,

 Hone ko kuch bhi ho sakta hai,

Ki aaj main talashta hu tumhe idhar-udhar,

 Na jane kidhar-kidhar,

Bhatkta tu kal mere pass aaye, ho bhi sakta hai,

Is daur mein dosti ki riwayetein kaisi chali hai,

Kisi bhi pal gireban pe hath ho bhi sakta hai,

Dard ki Aah bharta hu par tujhe jatata bhi nhi,

Sitamgar tere sawalo ke jawabo pe, 

Sawal ho bhi sakta hai,

Zindagi rehte poch do mere aansu Jana,

Mere janaze ke peeche tera ye haal ho bhi sakta hai,

Aakhiri saans mein mile tum bas itna kehna hai,

‘Abhishek’ Dil ka bura nahi,

Haan adat ka bura ho bhi sakta hai.

---

Kaun Ameer Hai

Main duaayein kama raha hu tum daulat kamao ‘Abhishek’,

Marne ke baad dekhenge kaun ameer hai.

---

Paiso Ke Tarazu Pe

lehza rakh ke baat karte hai, hum har ek gareeb se ‘Abhishek’,

Insano ko tolna nahi aata, mujhe paiso ke tarazu pe.

---

Sadak Par Sota Hu Main

Sadak par sota hu main, nayi chadro ka mujhe kya kaam,

Aandhi chal rahi hai jake dekhlo, khidkiya khuli to nahi.

---

Chalna Seekh Liya

Ab to Humne Chalna seekh liya,

Thokaro Lagi, sambhalna seekh liya,

Kisi ne aankh bhar ke mohabbat se kabhi dekha,

Nazre jhukake waha se Nikalna seekh liya,

Rishto ke jazbato se hum bhi waqif nhi ab Abhishek,

Zamane ke sath humne badlna seekh liya.

---

Must Read

• Alone Shayari
• 4 line heart touching shayari in hindi
• Very sad 2 line shayari
• Cute love shayari
• True love shayari
• Anniversary shayari in hindi
• Janamdin ki shayari

https://en.wikipedia.org/wiki/Loneliness